في طفولته.. شاب يقص ماذا حدث يوم اعلان فك الارتباط 1994؟

 

كتب / عبدالدائم قائد

اقسم بالله اليوم هذا ولا بنساه 

استوت لي فجعة قوي؟

كنت بالصف الخامس الابتدائي

ولمن اجى اعلان فك الارتباط من مغرب لمن تسع بالليل وقت الاعلان  اش الضرب الرصاص والدوشكا والملصي  خرجت الشارع السماء كلة ملصي. والناس من الشوراع تضرب رصاص الي بالكلاشنكوف واللي بالمسدسات جم مسجد الشيخ عبدالله وبالزعفران جم عبده حلاوى الله يرحمةوفي واحد اهبل نعم من الفرحة شحن ووجه الالي لعندي يسافط وطلع الالي جوو وضرب لمن صنج لي اذوني هربت الى البيت اجري المهم  فرحة الناس ماتصور كيف كانت؟ 

دخلت لمن البيت شفت التلفزيون والبيض يعلن فك الارتباط وجمبه عبدالرحمن الجفري  طبعا كان يوم سبت وكان يوم عيد  اضحى  

وكان من شعارات الناس خرجوا  مضاهرات يرددو ياعلي عبدالله ياسفاح ابعد عنا بانرتاح   وكمان يرددوا شعارقسما بالله مانركع صوتي اقوى من المدفع  كانت تدور بالشوارع باصات الكوستر تعبئة يجو لمن البيوت يدور اسماء اشخاص كانوا من ضمن قوات الاحتياط  وبعدها كانت تعبئة عامةاي واحد بالغ يطلعوة الكوستر المهم مسكو واحد صومالي  كان يصيح يقولهم ورية انا صومالي مش خادم  انت افهم عربي اش دخلي انا أحمر يقصف ابيض يقصف اسود يمووت  وريه انا صوومالي. مسكين طلعوة بالزجاء فوق الباص؟

القوات الشمالية كانت تتعمد قصف المواطنين.. قصفوا بيت بالخور بصاروخ غراد سبعة ماتوا من عائلة واحدة، وقصفوا حي الفتح بالتواهي بصواريخ كاتيوشا  اذ ان مواطنين كثير استشهدوا 

نعمدوا قصف محطة الكهرباء والاذاعة والتلفزيون، وحقول تغذية عدن بالماء في بئر ناصر وغيرها من الابار 

كانت المساجد هي ملجاء المواطنين في الحرب وكانت طوابير الماء بكل مسجدمن بعد الفجر انا كنت احمل باليوم20دبة

ابو15لتر  احمل حبتين بكل يد حبة قليل وطرحتهم ورجعت اكمل المسير

اذكر يوم كنت أصلي العشاء بمسجد الشيخ عبدالله سمعنا قذيفة ونحنا ساجدون بصلاة العشاء وانفجرت بالحافة وراء المسجد امام اللفة حق مسجد العسقلاني راحوا ثلاثة عيال هناك والشظايا خزقوا ابواب المحلات وبعمارة باطاهر رحنا يوم البحر نبرد من الحمى عاد نحن الا وصلنا نشوف القذائف تنزل فوق البحر باتجاه جولة العاقل وفحطنا هربه لمن البيت  يوم دخلت القوات الشمالية عدن وقع نهب ولا خلو مؤسّسة ولا مرفق حكومي الا نهبوهم  حتى بيت البيض نزلوا الديش الاسود الدوار ونهبوه بعدها بشهر او اقل

استوى الانفجار بجبل حديد القذائف تطاير ويقولوا اجت قذيفة فوق سيارة فيها حرمة واحد يتكلم يقول الشماليين استوت لهم فجعة يحسبوا الجنوبيين هجموا يقول المدير الشمالي كان يقوله انا بوجهك يامحمد  اللة يرضي عليك

خبيني  قاله يافندم اش خوفك مافيش حاجة، وكانوا يقولوا ان الشماليين نهبوا مخزن جبل حديد ودوه صنعاء والتفجير كان مسرحية فقط