الجنوب مش للبيع… والحكم شاهد!

 

كتب/ بسام اليافعي

 

اليوم عدن تنتصر… ليس بالسلاح، بل بكلمة حق نطقتها أعلى سلطة قضائية في البلاد. المحكمة العليا قالتها بوضوح: الأرض أرض الجنوب، والاتفاقيات هي الفيصل، وأي رسوم تفرض خارج القانون مكانها سلة المهملات.

 

الوثائق ما تكذبش… عقد واضح: 1.5 دولار للمتر المربع سنويا، ودولار واحد عن كل طن من الغذاء أو الأسمنت. لا في رسوم سيادية، ولا في زيادات تحت الطاولة، ولا في لعب على العقود.

 

هذا الحكم مش مجرد ورقة، هذا رسالة لكل من يفكر أن يستغل موارد عدن: الجنوب مفتوح للاستثمار، لكن مش مفتوح للنهب. المستثمر اللي يحترم القوانين مرحب به، أما اللي يجي يثقل على الناس بالرسوم والجشع… فالباب يعرفه.

 

اليوم لازم نفهم أن حماية السيادة الاقتصادية واجب مثل حماية الأرض. اللي يفرط في المتر، با يفرط في الميناء… واللي يفرط في الميناء، با يفرط في البحر وكل ما تبقى.

 

يا أبناء الجنوب… النصر القانوني اليوم لازم نحوله لموقف شعبي. نراقب، نحاسب، ونوقف أي محاولة للالتفاف على الحكم. الجنوب مش للبيع… وعدن مش ساحة مفتوحة للابتزاز الاقتصادي.

 

السيادة مش كلام… السيادة التزام وحراسة، حتى لو كان السلاح هذه المرة هو حكم محكمة.